2025 жылдың 10-12 сәуір аралығында Астана қаласында сату бөлімінің негізгі менеджерлерінің қатысумен жыл сайынғы конференция өтті. Алғаш рет шараға барлық 25 филиалдың директорларынан бөлек, Сауда бөлімдерінің басшылары шақырылды. Дәстүр бойынша жиынның бірінші күні дүкенді тексеруден басталды-қабылдаушы тарап, Бас кеңсе басшылары мен өңірлерден келген қызметкерлерден құрылған 9 экипаж елорданың барлық аудандарын аралады. Дүкенді тексеру соңында экипаж жетекшілері қаланың сауда нүктелерінің сөрелеріндегі өнімдердің жоғары деңгейде болуын атап өтті. Бірінші күн Астана филиалының кеңсесі мен қоймасын аралаумен аяқталды.